Turbinen
Leigeprisar Turbinen fleirbrukshall 2024
Desse gruppene betalar ikkje leige for bruk av kommunale bygg:
- Lag og organisasjonar som driv aktivitetar for born og unge
- Aktivitetar for seniorar
- Aktivitetar for menneske med nedsett funksjonsevne
Prisar i Turbinen pr time 2023
| Pris pr time | |
| Leige av heil hall – vaksne, lag og org | Kr 390,53 |
| Leige av del av hall – vaksne, lag og org | Kr 199,98 |
| Leige av sosialrom | Kr 290,02 |
| Leige av spinningrom | Kr 199,98 |
| Leige av foajé | Kr 290,02 |
Kommersielle aktørar, og større arrangement som er eigna til å gå med overskot, betalar kr 5418,22 pr dag.
Trene fast i styrkerommet
Om Turbinen fleirbrukshall
Turbinen fleirbrukshall er Vaksdal kommune si storstove. Hallen vart opna 25. januar 2014.
Hallen består av ein idrettshall med speleflate for handballkampar. Her er også merka og utstyrt for basketball, volleyball og badminton. Hallen kan delast i tre med skiljeveggar ved behov. Hallen har scene og eit enkelt lydanlegg. Det er fire ordinære garderobar og to mindre dommar-/instruktørgarderobar. I samband med inngangspartiet er det eit enkelt kjøkken og kafeområde.
I andre etasje er det eit godt utstyrt styrkerom som er ope for alle over 16 år. For å få tilgang må ein kjøpe seg ei nøkkelbrikke og betale litt for reinhald. Ønskjer du treningsmedlemskap, klikk her. I same etasje er det også eit rom med spinningsyklar. Dette kan leigast av grupper. Det er ein garderobe med dusj i denne etasjen.
I tredje etasje er det eit sosialrom med prosjektør, lerret, og lydanlegg med teleslyngje. Dette rommet eignar seg godt for mindre kurs (opp til ca 40 personar), men kan også leigast til konfirmasjonar, runde dagar eller andre mindre selskap.
Kontaktinformasjon
Er du interessert i å delta på treningar, bruka styrkerom, leiga andre rom eller ynskjer annan informasjon, ta kontakt med
Driftsleiar Ole Johnny Domben
- Mobil: 906 36 556
- E-post: turbinen@vaksdal.kommune.no
Besøksadresse:
- Sandlivegen 14. 5722 Dalekvam